{UAH} Now Nyakaana behind Lord Mayor Lukwago

Nyakana ng''''awa obujulizi ku Lukwago

Folks,

It is amazing to see Nyakaana make a turn around and  defend  of Lord Mayor Lukwago in the on going Kangaroo court. Who can forget the violent elections that saw Lukwago being overwhelming voted in despite the cash and rigging machinery put in place by NRM?. Nyakaana was one of those who tried and failed to stop Lukwago being elected Mayor of Kampala.

BYA BENJAMIN SSEBAGGALA NE ALICE SUSAN NAKAWUKA 

BAMMEEYA ba munisipaali ezikola Kampala bawadde obujulizi mu kakiiko akanoonyereza ku Lukwago ne balumiriza nti bonna tebalina akawunti za munisipaali era ayagala ssente alina kuwandiikira mukyala Musisi n'awa Town clerk ssente mu mpeke.

Godfrey Nyakana Amooti meeya wa Kampala Central ye yasoose okuwa obujulizi mu maaso g'omulamuzi Catherine Bamugemereire n'amutegeeza nti Mukyala Musisi ebintu abikwata nga bw'ayagala era waliwo ssente ze yaggya ku akawunti ya Central ng'ekyaliwo nga tababuulidde wa gy'azitadde wabula bwe baamubuuza n'ategeeza kanso nti ssente yazitwala mu bbanka ya Uganda enkulu.

Nyakana yagambye nti Lukwago yakiraba nga kyetaagisa bammeeya okubeera mu ntuula za kanso wabula mukyala Musisi yabagobayo nti babaliira emmere yaabwe n'eby'okunywa.

Yayongeddeko nti obuyinza obumuweebwa etteeka mukyala Musisi yabumuwambako nga ne bw'abeera aggulawo enguudo mu kitundu kye tamutegeeza era takyatuukirirwa.

Munnamateeka wa bakansala Kiryowa Kiwanuka yalumirizza Nyakana nti ekimuwalanya mukyala Musisi yamuggyako amakubo mwe yaggyanga ssente nga okusolooza ssente za kabuyonjo n'okugaba ttenda ez'ekimpatiira wabula Katuntu n'abiwakanya ng'agamba nti lipoota gye beesigamako yakolebwa mu 2007 nga KCCA tennaba kugunjibwawo.

Hajarah Nakate eyali omuwandiisi w'akakiiko k'ekikula ky'abantu n'emirimu yategeezezza akakiiko nti ebintu byatambulira nga mu mitendera nga bakyali mu KCC wabula okuva ekitongole lwe kyeyubula okufuuka KCCA ebintu byakyuka nga mukama we Lauben Kamoga buli kiseera yabategeezanga nti balina ebiragiro bye balina okugoberera.

Yayongeddeko nti bwe baagezaako okubitambuza nga bwe birina okubeera, ye yalaba bbaluwa emugoba ku mulimu mu July wa 2012 nga tebamuwadde mukisa kwewozaako.

Joyce Nabbosa Ssebugwawo yategeezezza akakiiko nti tebalina akawunti era bwe babeera baagala ssente balina kuwandiikira mukyala Musisi n'azibawa mu mpeke nga n'enguudo ezikolebwa mu Lubaga tebakimanyako balabira awo ng'abakola emirimu batandise.

Akakiiko kayagenda mu maaso n'okuwulira obujulizi.

--

*A positive mind is a courageous mind, without doubts and fears, using the experience and wisdom to give the best of him/herself.

 

 We must dare invent the future!
The only way of limiting the usurpation of power by
 individuals, the military or otherwise, is to put the people in charge  - Capt. Thomas. Sankara {RIP} '1949-1987

 *"Those who make peaceful revolution impossible will make violent

revolution inevitable"**…  *J.F Kennedy