{UAH} Omulamuzi awadde Seya omwana wa Sylivia Owori

Omulamuzi w´akooti ye Nakawa ekola ku bya maka Flavia Nabakooza awadde Alhaj Nasser Sebaggala obuyinza ku mwana gwaludde nga akayanira ne Sylvia Owori. Omwana ono Adam owemyaka etaano Sebaggala yamuzaala mu Sylivia Owori mubiseera Sebaggala weyali meeya wa Kampala.

Yadde Sylvia yali mufumbo mu maka g´omuzungu Per Munk Nielson naye yali apepeya ne Seya mu biseera bye ebyeddembe. Kigambibwa nti Sylivia bweyafuna olubuto omuzungu neyesunga, naye kyamubuukako bwebagenda ne Sylivia okuzaala omwana okuvaayo nga muddugavu zzigizigi. Kino kyamutiisa nnyo era nasalawo atwale omwana ku musaayi bakebere DNA eyadda nga ekakasa nti omwana siwuwe. Bino okubaawo Sylivia yali yakamala okwanjula omuzungu mu maka ga bakadde be. Yadde omuzungu yamanya nti omwana siwuwe naye yasigala akyayagala Sylvia era nasigala nga akyalabirira omwana okutuusa luno jjo lyabalamu Sylivia bweyatandika okupepeya ne Malik omuzanyi w´ensambaggere.

Sylivia bweyayingizaawo Malik, omuzungu neyetoloolamu, olwo n´ obuyambi bw´omwana nebukendeera. Kino kyawaliriza Sylivia okuddukira ewa Sebaggala afune obuyambi bwomwana.


Kigambibwa nti Sylivia yawa Sebaggala embalirira y´okulabirira omwana nga kumpi buli lunaku omwana akozesa akakadde kamu aka shillingi ekintu ekyatabula Sebaggala. Yamusaba amuwe omwana awo Sylivia kwekujja nakakodyo akapya nti Omuzungu ayagala sente ze zonna zasasanyirizza ku mwana omugatte obukadde 800. Omulamuzi yawadde abazadde bano bombi amagezi okutegeragana wabweru wa kooti bamalirize ensonga za ssente. Naye Ssebaggala yakombye ku erima nti ye talina ssente ezo bano zebasaba obukadde 800

--

Where there is a will, there is always a way.