{UAH} Besigye asisinkanye 'Besigye' e Kasangati

Besigye asisinkanye 'Besigye' e Kasangati

Sep 01, 2014

Dr. Kiiza Besigye ne Jeff Ochieng

• 
• 
• 

Bya Musasi Waffe

COL. Kizza Besigye  asisinkanye omuvubuka Munnakenya eyamufaana n'amumalayo Jeff Ochieng 22, nga Munnamawulire   ow'olupapula lwa 'The Standard'  yasisinkanye Besigye eggulo ku Ssande mu maka ge e Kasangati emboozi n'egwa amakerenda.

Bombi, Besigye ne Ochieng nga babugaanyi essanyu,  baatudde ne banyumya okumala eddaakika 30  buli omuli n'abuulira munne ebimukwatako.

Ng'akafubo kaabwe kawedde, Ochieng yategeezezza nti, baanyumizza kumpi ku buli kimu okuggyako eby'omupiira, Besigye n'amubuulira buli ekimukwatako era  akakasizza nti lwakufaanagana nnyo  naye tebalina  luganda lwonna

"Ndi wa mukisa okusisikana Dr. Besigye kubanga kibadde kirooto kyange okumala ebbanga ddene," Ochieng bwe yategeezezza. Yagambye nti kitaawe omutuufu tamumanyi kubanga nnyina bwe yali afa emyaka kkumi egiyise teyamumubuulira.

Besigye (ku kkono) Calol Nyangi (wakati) ne Ochieng e Kasangati.

Dr. Besigye  yategeezezza nti  Ochieng okumufaanana si kyamaanyi nnyo kubanga abantu bangi abafaanagana kyokka nga si baaluganda  n'annyonnyola nti 'Abantu ffena  twava mu Adam ne Eva n'olwekyo okufaanagana kusoboka".

Ochieng  yavaayo ku ntandikwa y'omwezi guno n'ategeeza nti  yali ateekateeka okuggya mu Uganda asisinkane Besigye alabe  oba ye kitaawe.

Dr. Kiiza Besigye ne Jeff Ochieng

Ku Lwokuna oluwedde, Ochieng lwe  yatuuse mu Uganda  kyokka n'asanga nga Besigye tali mu ggwanga  n'amulindako  okutuuka eggulo ku Ssande lwe yakomyewo ne basisinkana.

Dr. Besigye yakolerako mu Kenya mu 1982 mu ddwaaliro lya  Agha Khan nga yaakadduka mu Uganda  wabula mu Kenya teyabandaalayo n'asaliinkiriza  ne yeesogga ensiko e Luweero ne yeegatta ku bayeekera ba Museveni. 

___________________________________

Gwokto La'Kitgum

"Even a small dog can piss on a tall Building", Jim Hightower

--
UAH forum is devoted to matters of interest to Ugandans. Individuals are responsible for whatever they post on this forum.To unsubscribe from this group, send email to: ugandans-at-heart+unsubscribe@googlegroups.com or Abbey Semuwemba at: abbeysemuwemba@gmail.com.