{UAH} Muwala wa Odaka akwakkudde ebbaasa y'amabugo Museveni ge yabawadde!-money money

uwala wa Odaka akwakkudde ebbaasa y'amabugo Museveni ge yabawadde!

Aug 10, 2015

mulekwa Miriam Wanjuki Odaka

• 
  
• 
  
• 
  
• 
  
• 
• 
• 

 Bya MUSASI WA BUKEDDE

KATEMBA yabadde mu kuziika eyali minisita w'Ensonga z'ebweru mu Gavumenti ya Milton Obote, Samuel Odaka, mulekwa Miriam Wanjuki Odaka bwe yanyakudde ebbaasa y'amabugo pulezidenti Museveni ge yabawadde okubayamba mu kufiirwa ga bukadde 10.

Obubaka Museveni yabutisse minisita w'ensonga za Karamoja era omubaka wa disitulikiti y'e Busia mu Palamenti, Barbra Oundo Nekesa.

Minisita olwamaze okulangirira obubaka bwa Pulezidenti, ebbaasa n'agikwasa muto w'omugenzi, John Okumu eyakulidde eby'okuziika.

Mulekwa Miriam yabadde ng'eyeetegese edda kuba yabuuse mu kidaala we yabadde atudde ne nnyina n'asika ku kitaawe omuto ebbaasa n'adduka nayo n'agikwasa nnyina mu kidaala, wakati mu kuwuniikirira eri abakungubazi abaabadde beewuunya ekigenda mu maaso.

Omulabirizi wa Bukedi, Samuel Egesa olwamaze okusabisa, n'alagira ebirabo bikungaanyizibwe byonna biweebwe abaafiiriddwa okwongera okuyamba ku byasaasaanyiziddwa mu kuziika.

Okusonda ebirabo kwatandise era ensimbi zonna zaateekeddwa mu kibookisi.

Omuwala y'omu, yageze banaatera okuzibala n'abuuka mu kidaala n'akwakkula ekibookisi mwe zaabadde nakyo n'akiddusa n'akikwasa nnyina Margaret Odaka eyalabise nti yabadde awagira buli ekigenda mu maaso era ebikwata ku ssente zino tewali yazzeemu kubimanya.

Bino byabadde mu kuziika eyali minisita wa Obote, Sam Odaka, nga ye minisita w'ensonga ez'ebweru eyasooka nga Uganda emaze okufuna obwetwaze. Okuziika mu Ggombolola y'e Lumiino, e Busia, kwetabiddwako ebikonge bingi .

Mu bano mwabaddemu eyaliko Ssabalamuzi, Benjamin Odoki, akulira akakiiko akalonda abalamuzi, James Ogola, muka eyali omugenzi Milton Obote, Miria Obote, Paul Etiang, James Akena, n'abalala bangi.

Okuziika e Lumiino kwaddiridde okusika omuguwa okw'amaanyi okwasoose okubaawo wakati wa nnamwandu n'abooluganda lw'omugenzi abaalemesezza nnamwandu okuziika muganda waabwe ku buko e Bulemeezi nga bwe yabadde akisazeewo.

Oluvannyuma aba kkampuni ya Funeral Service eyapangisiddwa okukola ku by'okuziika, yazze okubanja ssente obukadde musanvu kyokka muto w'omugenzi Mw. Okumu, n'abasindika ewa mulekwa gwe yag'ambye nti yakwakkudde ssente zonna.

Omutaka mu kika ky'Engo Martin Lwanga yasiimye abakulu mu kika kya Odaka okusalawo obutaziika Odaka ku Buko kubanga naye abadde akiwakanya.

Omugenzi Odaka afiiridde ku myaka 86 ng'alese abaana musanvu bonna bawala.

--
Disclaimer:Everyone posting to this Forum bears the sole responsibility for any legal consequences of his or her postings, and hence statements and facts must be presented responsibly. Your continued membership signifies that you agree to this disclaimer and pledge to abide by our Rules and Guidelines.To unsubscribe from this group, send email to: ugandans-at-heart+unsubscribe@googlegroups.com or Abbey Semuwemba at: abbeysemuwemba@gmail.com.